Kreu i SPAK, Altin Dumani dhe dy prokurorët që po hetojnë ish-kryeministrin Sali Berisha për privatizimin e ish-kompleksit “Partizani” kanë udhëtuar drejt Shteteve të Bashkuara të Amerikës.
Kreu i Prokurorisë së Posaçme dhe dy prokurorët, Arben Kraja dhe Enkeleda Millonai ndodhen në një vizitë studimore në Washtington ku kanë zhvilluar takime me DASH dhe agjentët e FBI-së.
Sipas njoftimit të SPAK, Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës.
“Zyrtarë të lartë të SPAK-ut po marrin pjesë në një vizitë studimore në Uashington, DC këtë javë. Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë (OPDAT), zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale (ICITAP).
Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës. Vizita do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve (DEA) dhe Byronë Federale të Hetimit (FBI)”, thuhet në njoftimin e SPAK.
VAZHDO TË LEXOSH MË TEPËR PËR TEMËN
2021, viti i tërmetit politik në PD
A është gjunjëzuar në këmbët e Sali Berishës edhe SPAK?
Berishizmi në katedër
