Kryeministri i Kosovës Albin Kurti u shpreh se nesër do ta kuptojnë se çfarë do të kërkojnë e çfarë do të ofrojnë përfaqësuesit evropianë e amerikanë, të cilët do të shkojnë në Prishtinë. “Çka do të kërkojnë e çka do të ofrojnë e marrim vesh nesër.
Unë mund të them që nuk mund të kemi normalizim pa siguri. Siguria e Kosovës duhet të jetë prioritet edhe për institucionet e shtetit edhe për popullin edhe shoqërinë. Për këtë ne punojmë ditë e natë me krejt çfarë mundemi e dimë”, ka theksuar Kurti.
Por sipas tij është jetike për Kosovën, demokracinë e rajonin, që ata të cilët nuk e kanë ditur se kush është Serbia, ta kuptojnë tani.
“Është jetike për Kosovën, për demokracinë, por do të thosha edhe për rajonin e Ballkanit në përgjithësi që atë të cilët nuk e kanë ditur ose kuptuar se kush është Serbia dhe Beogradi zyrtar më në fund ta bëjnë këtë sepse nuk është Kosova ajo e cila duhet të këtë masa ndëshkuese por është Serbia ajo së cilës duhet t’i vendosen sanksione”, është shprehur Kurti.
VAZHDO TË LEXOSH MË TEPËR PËR TEMËN
Ngjarja në Banjskë/ Ç’po përgatitet në prapaskenë?
