Koreja e Veriut ka filluar të lëvizë artilerinë në Rusi, duke ndihmuar forcat e presidentit rus Vladimir Putin në luftën në Ukrainë, tha një zyrtar amerikan i paidentifikuar për CBS News.Ai nuk tha nëse transferimi është pjesë e një zinxhiri të ri furnizimi afatgjatë apo një dërgesë të kufizuar, apo çfarë po merr Koreja e Veriut në këmbim të armëve. Kim i tha Putinit gjatë një takimi në Rusi muajin e kaluar se ai mund të llogarisë në mbështetjen e plotë dhe të pakushtëzuar të Koresë së Veriut për luftën globale të Rusisë në mbrojtje të interesave të saj të sigurisë, raporton kanali televiziv amerikan. Një zyrtar i lartë i Koresë së Jugut tha për CBS News se Seuli është i shqetësuar se Kim Jong Un mund të kërkojë teknologji nga Rusia për të ndërtuar nëndetëse me energji bërthamore dhe raketa dhe satelitë më të avancuar, përveç bashkëpunimit për armët konvencionale. Nëse lidhjet dypalëshe midis Rusisë dhe Koresë së Veriut thellohen, kjo do të forcojë aftësinë e Kim për të kërcënuar të gjithë botën. Zyrtari paralajmëroi se nëse lidhjet dypalëshe midis Rusisë dhe Koresë së Veriut thellohen në atë masë, kjo do të forcojë aftësinë e Kim për të kërcënuar jo vetëm aleatët e ngushtë aziatikë të Amerikës, Korenë e Jugut dhe Japoninë, por të gjithë botën. Nga ana tjetër, siç raporton CBS, SHBA u ka dorëzuar forcave ukrainase rezervat e municioneve të sekuestruara nga Irani, njoftoi Departamenti Amerikan i Drejtësisë. Stoku i municioneve iraniane të transferuara në Ukrainë nga SHBA përfshin më shumë se një milion fishekë 7.62 mm, të cilat përdoren për mitralozë dhe pushkë, sipas CBS. Komanda Qendrore e Ushtrisë Amerikane konfirmoi se ka transferuar municione në Ukrainë të hënën.
VAZHDO TË LEXOSH MË TEPËR PËR TEMËN
