Aktorja e njohur Eliona Pitarka ka reaguar pas vdekjes së një vogëlushi 3-vjeçar pas ndërhyrjes që kishte bërë në një prej dhëmbëve në një klinikë private.
Eliona Pitarka, mes lotësh tregoi se një vit më parë kishin dërguar nipin tek e njëjta klinikë dentare dhe se pasi e kishin marrë në shtëpi, i ishte dashur 5 orë që t’i dilte narkoza.
Ajo shton se edhe pse kanë telefonuar mjekun dhe recepsionin, askush nuk i është përgjigjur.
“Para një viti kemi dërguar nipin tonë në atë klinikë. Pas narkozës që i ka aplikuar nipit tim për mbushjen e kësaj dhëmballe te kjo klinikë, iu desh 5 orë që të zgjohej. Pasi është zgjuar nipi kishte marrje mendsh, fliste përçart, ka vjellë. Dhe ajo klinikë asnjëherë nuk na u përgjigj në telefon për të na thënë nëse kjo ishte normale. Dhe pengu im më i madh është që nuk e bëra publike atë rast. Dhe them peng sepse kur i tregova rastin tim babait të 3 vjeçarit tha: “Ku ta dija unë se ku e çova djalin. Nëse do e dija nuk e kisha çuar”. Dhe ndjehem fajtore që nuk e bëra publik rastin”, thotë ajo mes lotësh.
Kujtojmë që ngjarja e rëndë ka ndodhur tre ditë më parë në Tiranë, ku një 3-vjeçar ka ndërruar jetë në QSUT, pas ndërhyrjes që kishte bërë në një prej dhëmbëve në një klinikë private.
Familjarët thonë se vogëlushi i është nënshtruar ndërhyrjes në klinikën dentare për 9 orë, dhe për shkak të injektimit të lartë të narkozës, i është prekur mëlçia, e si pasojë ka humbur jetën.
VAZHDO TË LEXOSH MË TEPËR PËR TEMËN
Eliona Pitarka bëhet nënë për herë të dytë
Eliona Pitarka, në pritje të ëmbël?
Nënë për herë të dytë? Flet Eliona Pitarka
