Megjithëse kryeministri i atëhershëm fajësoi Hamasin për rrethimin, ai ashpërsoi kritikat e tij ndaj Izraelit në korrik të atij viti gjatë një vizite në Turqi, në të cilën ai tha se veprimet e Izraelit ishin “krejtësisht të papranueshme” dhe krahasoi kushtet në Gaza me një kamp burgu.
Ish-kryeministri, David Cameron, u rikthye në politikë pas emërimit të tij si ministër i Jashtëm. Rishi Sunak zgjodhi ish-kryeministrin pasi Sekretarja e Brendshme Suella Braverman u shkarkua dhe u zëvendësua nga ish-sekretari i Jashtëm James Cleverly.
Ish-lideri konservator, i cili do të emërohet në Dhomën e Lordëve, do të marrë postin e ministrit të Jashtëm të Britanisë në një nga krizat më të vështira diplomatike në historinë e fundit.
Rasti i Gazës
Bombardimet e vazhdueshme të Gazës nga Izraeli kanë çuar në një fatkeqësi humanitare të paprecedentë, duke vënë në rrezik 2.3 milionë banorët e rajonit. Ekziston mundësia që ky konflikt të zgjerohet në një luftë më të gjerë rajonale.
Nga ana e saj, Britania ka deklaruar mbështetjen e saj për Izraelin që nga fillimi i luftës më 7 tetor. Në establishmentin politik britanik ka një konsensus ndërpartiak për mbështetjen e pakushtëzuar për Izraelin.
As konversavatorët e Sunak dhe as Partia Laburiste e opozitës nuk po bëjnë thirrje për armëpushim.
Edhe pse këto të dhëna nuk japin shumë hapësirë për ndryshime në politikën aktuale, ministri i ri i Jashtëm ka shumë gjasa të devijojë nga politika e ndjekur nga paraardhësi i tij, pasi ai vetë e kishte kritikuar Izraelin kur ishte kryeministër.
Kritika e Cameron ndaj Izraelit
Kur Cameron u bë Kryeministër në maj 2010, ai duhej të përballej me një krizë të politikës së jashtme që përfshinte Izraelin.
Në fund të majit, Izraeli sulmoi një flotilje me varka që përpiqeshin të thyenin rrethimin e Gazës dhe të dërgonin furnizime, me forcat izraelite që vranë 10 civilë turq në bordin e anijes kryesore, Mavi Marmara.
Sipas Middle East Eye, Cameron përsëriti “angazhimin e fortë të Mbretërisë së Bashkuar për sigurinë e Izraelit”, por i bëri thirrje Izraelit të përgjigjet në mënyrë konstruktive ndaj kritikave “legjitime” të veprimeve të tij, duke e quajtur më tej situatën “të papranueshme”.
Megjithëse kryeministri i atëhershëm fajësoi Hamasin për rrethimin, ai ashpërsoi kritikat e tij ndaj Izraelit në korrik të atij viti gjatë një vizite në Turqi, në të cilën ai tha se veprimet e Izraelit ishin “krejtësisht të papranueshme” dhe krahasoi kushtet në Gaza me një kamp burgu.
Por në muajt dhe vitet që pasuan, Cameron u bë më pak kritik ndaj Izraelit dhe madje u tërhoq nga disa nga komentet e tij të mëparshme.
Kur laburistët lobuan në 2014
Një nga provat për mbështetjen e vazhdueshme të Britanisë për Izraelin ishte në verën e vitit 2014, kur Izraeli sulmoi Gazën nga ajri, me bombardime të vazhdueshme, duke kryer në të njëjtën kohë një ndërhyrje tokësore të përmasave mesatare.
Kur filloi konflikti, Cameron shprehu “shqetësime serioze” për viktimat civile të shkaktuara nga Izraeli, ndërsa mbrojti “të drejtën e tij për vetëmbrojtje”, duke marrë më vonë një qëndrim më të ashpër nën presionin e Partisë Laburiste të opozitës.
Pas një sërë sulmesh ajrore izraelite mbi ndërtesat e OKB-së, Cameron tha se sulmet izraelite ndaj civilëve ishin “të gabuara dhe të paligjshme”. Qeveria britanike premtoi gjithashtu në atë kohë se do të bllokonte disa eksporte armësh në Izrael.
Ish-lideri laburist Ed Miliband, i cili arriti të ushtronte presion të madh ndaj kryeministrit britanik, pati një ndikim të rëndësishëm në moderimin e mbështetjes së qeverisë britanike për Izraelin.
Cameron mund të kishte mposhtur Edward Miliband në zgjedhjet e përgjithshme të 2015-ës, por dha dorëheqjen për Brexit.
Komentet e tij pas dorëheqjes nga kryeministria
Pas dorëheqjes si kryeministër i vendit, ai e kaloi kohën duke lobuar për interesat e biznesit kinez në Mbretërinë e Bashkuar. Nga ana e tij, komentet e tij mbi politikën ndërkombëtare, duke përfshirë çështjen izraelito-palestineze, ishin të rralla dhe mjaft prozaike për një politikan konservator.
Komenti i tij më i fundit mbi konfliktin në vazhdim ishte një deklaratë e mbështetjes për Izraelin pas sulmit të 7 tetorit.
“Unë qëndroj në solidaritet me Izraelin në këtë moment më të vështirë dhe mbështes plotësisht kryeministrin dhe qeverinë e Mbretërisë së Bashkuar në ofrimin e mbështetjes së tyre të palëkundur,” shkroi Cameron në X.
VAZHDO TË LEXOSH MË TEPËR PËR TEMËN
“Rifreskimi” i qeverisë britanike/ Kush iku dhe kush erdhi?
Pse Rishi Sunak zgjodhi “inxhinierin e kaosit të Brexit”?
