Ish-nëndrejtori i policisë së Tiranës gjatë qeverisjes Berisha, Erzen Breçani u arrestua mbrëmjen e djeshme, pas një operacioni të SPAK, ku u lëshuan 11 urdhër arreste.
Ditën e sotme janë zbuluar detaje të tjera se si u kap në flagrancë Breçani gjatë operacionit të SPAK, pas zbërthimit të aplikacionit SKY ECC.
Në momentin e arrestimit, Breçani ka qenë pranë stadiumit ‘Air Albania’ bashkë me Dedan Gjonin, shef i Krimeve te komisariati Nr. 6 në Tiranë.
Ata kishin prerë biletat për të parë ndeshjen e kombëtares me Ishujt Faroe, përballja e fundit për kualifikueset e europianit. Në atë moment, bashkë me Breçanin u arrestua edhe Dedan Gjoni.
Ndaj shefit të krimeve janë ngritur disa akuza për vepra të rënda penale, një prej të cilave është ajo e sigurimit te kushteve për të kryer vrasje. Ndërsa Breçani dhe djali i tij, Eralbi Breçani, akuzohen për përkrahje të autorit të krimit dhe pastrim parash.
Nga 11 urdhër arrestet e lëshuara nga SPAK, 6 janë ekzekutuar dhe 5 janë në kërkim, përfshirë këtu edhe Ervin Mete, një emër i njohur i drejtësisë.
VAZHDO TË LEXOSH MË TEPËR PËR TEMËN
SPAK lëshon urdhër arrest për Ervin Matën
Arrestohet personazhi i njohur i botës së krimit
