Deputeti shqiptar në Kuvendin e Serbisë, Shaip Kamberi ditën e sotme ka uruar 111 vjetorin e Pavarësisë së Shqipërisë.
Përmes një reagimi në Facebook, Kamberi është shprehur se këtë ditë më shumë e ndiejnë shqiptarët e Luginës së Preshevës.
Kjo pasi sipas tij, në këtë vend nëse valëvit flamurin shqiptar përballesh me pasoja, pasi është e ndaluar me ligj.
Ai shton se sot është koha që të ngrihet zëri dhe të kërkohet më shumë liri e baraze, që ligje të tilla diskriminuese të mos ekzistojnë më.
‘Urime Dita Flamurit,
28 nëntorin, Ditën e Pavarsisë se Shqipërisë më së shumti e ndjejnë shqiptarët e Luginës së Preshevës! Aty ku ende nëse valvitë flamurin shqiptar përballesh me pasoja e ku na është ndaluar me ligj ngitja e tij nuk na ka bërë të dorëzohemi
Jemi shqiptarët e vetëm në shtetet e Ballkanit Perendimor që ende dënohemi për vendosjen e flamurit kombëtar!
Sot, më shumë se kurrë nevojitet që zëri ynë të ngritet e të kërkojmë më shumë liri e barazi, e ligje të tilla diskriminuese të mos ekzistojnë më!
Në këtë ditë ku e gjithë bota shqiptare, e shqiptarët gjithkah nëpër botë festojnë, urime të gjithë atyre e veçanërisht shqiptarëve në Luginë të Preshevës 28 Nëntori, ditën e flamurit kombëtar !’, shkruan Kamberi.
VAZHDO TË LEXOSH MË TEPËR PËR TEMËN
“Skandal!”, Vuçiç ‘sulmon’ Kurtin
