Deputetja e Partisë Demokratike, Jorida Tabaku ka bërë një reagim për ngjarjen e rëndë të ndodhur në Hamburg të Gjermanisë, ku humbën jetën 4 punëtorë shqiptarë shpreh keqardhjen, teksa shkruan në rrjetet sociale se katër djemtë ikën për një jetë më të mirë.
Këtë ngjarje ajo e lidh me situatën aktuale të politikës shqiptare ku sot në Komisionin e Ekonomisë ku po diskutohej projektbuxheti 2024 grupi i Rithemelimi bllokoi sërish punimet duke e zhvendosur mbledhjen online. Pëtrmes reagimit të saj Tabaku lë të kuptohet se është kundër kaosit të krijuar nga Rithemelim, pjesë e të cilit tashmë është edhe Gaz BArdhit të cilin e ka mbështetur. Beteja e opozitës siN nënvizon Tabaku duhet të jenë propozimet se çfarë duhet të bëjnë më mirë, për të shmangur edhe largimet jashtë vendit për një jetë më të mirë si në rastin e katër shqiptarëve që ndërruan jetë duke punuar në të zezë në një zonë industriale të Hamburgut, ku u shemb skela dhe një vinç duke i zënë poshtë.
“I lehtë i qoftë dheu 4 djemve të nënave të këtij vendi që nuk u japin më gëzim familjeve të tyre. 4 djem të nënave shqiptare, 4 baballarë a vëllezër humbën sot jetën duke punuar në një kompleks ndërtimi në Gjermani me leje të përkohshme pune, mbas një udhëtimi me peripeci, me punë të pasigurtë, 3 muaj këtu e 3 muaj atje për më shumë mundësi për familjet e tyre nga Mati e Dibra.
Askush nuk largohet me dëshirë nga familja, askush nuk lë fëmijët e prindërit me dëshirë kjo ndodh në kushte ekstreme varfërie, në kushte ekstreme ekonomike kjo ndodh nga pamundësia për të siguruar një jetë më të mirë për familjen këtu.
Ndërkohë që parlamenti duhet të diskutojë buxhetin, kur shikon miliona euro në kontrata koncesionare marramendëse të gjitha kryekëput korruptive, në ndërkohë shqiptarët janë të detyruar të largohen në kërkim të një jete më të mirë. Këtë kanë nevojë sot të dëgjojnë qytetarët se çfarë do bëjmë ne ndryshe, më mirë më shumë se si do e ndalojmë këtë largim masiv, se si do krijojmë punë e mundësi për të gjithë e jo pakicën! Kjo është beteja e opozitës.”
VAZHDO TË LEXOSH MË TEPËR PËR TEMËN
Ngjela: Berisha ka zgjedhur rrugë të gabuar, e shqetëson non-grata
Berisha flet pas mbylljes së seancës: Aksioni do të vazhdojë, kjo është një betejë pa kthim
