Ulje temperaturash dhe reshje masive bore, një masë e ftohtë siberiane ‘pushton’ Shqipërinë

Teksa sot në disa zona malore veriore ka pasur reshje dëbore, një masë e ftohtë ajrore siberiane vjen në vendin tonë.

Në një linjë telefonike, sinoptikania Lajda Porja bëri me dije se nesër do të ketë ulje të ndjeshme të temperaturave.

“Do të ketë reshje dëborë. Këtë mbrëmje do të ketë reshje dëbore të shtuara në qarkun e Korçës. Parashikohet që deri në mesnatë dëbora të jetë e konsiderueshme. Nesër pritet që të ketë temperatura të ulëta, deri në -5 në zonat malore. E diela do të jetë ditë tipike dimri. Do të ketë reshje të izoluara në jug, më pak në juglindje. Problematike mbetet situata e ngricave në zonat malore. Një masë siberiane vjen natën sot në vendin tonë.”, tha ajo.