“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Kanceri i lëkurës, kur duhet t’i drejtohemi mjekut?
Mjeku: Kanceri i lëkurës është kanceri më i shpeshtë në të gjithë botën, sidomos tek meshkujt. Megjithatë, kanceri i lëkurës është kancer që trajtohet me kirurgji ose radioterapi dhe fatmirësisht nuk është me pasoja fatale për jetën. Onkologia Nevila Rexhaj për gazetën “Shëndet+” thotë se “e vetmja gjë që e karakterizon këtë lloj kanceri, është fakti që mund të përsëritet me kalimin e kohës”. Mësohet se po në këtë grup (lloj) kanceri bën pjesë edhe melanoma, e cila ka një vdekshmëri të lartë në rast se nuk diagnostikohet në stade të hershme. Prandaj është shumë e rëndësishme që popullata të njohë shenjat e një melanome në mënyrë që t’i drejtohet sa më parë mjekut.
Shenjat e dukshme të melanomës!
Në mjekësi ekziston ajo që quhet ABCDE-ja e melanomave, që janë shkurtime të fjalëve në anglisht përkatësisht:
A qëndron për asimetrinë, në rast se gjysma e një nishani nuk përkon me gjysmën tjetër.
B qëndron për kufijtë, kur nishani nuk ka kufij të rregullt, por janë të çrregullt.
C qëndron për ngjyrën, kur nishani ka ngjyrë jo të njëtrajtshme ku mbizotëron e zeza ose ngjyrë bezhe, ngjyrën e lëkurës, por ka edhe variacione të tjera.
D qëndron për diametrin, kur nishani është mbi 6 ml.
E qëndron për evolucionin, një nishan që kruhet, gjakderdh apo dhemb.
Nëse një person që ka një nishan, gjen një nga këto shenja, atëherë patjetër duhet të drejtohet tek mjeku. Vetëm 15% të melanomave vijnë nga nishane ekzistuese, pjesa më e madhe e melanomave vijnë nga nishanet që formohen në lëkurë. Përsa i takon melanomave duhet një mbrojtje sa më e madhe nga dielli, pasi rrezatimi ultraviolet është shkaktari kryesor. Duhet të mbrohen kryesisht njerëzit me lëkurë të bardhë, pasi janë më të rrezikuar.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“E kam zorrën e trashë të pezmatuar!” Fillo ha…
“Në fillim, mendova se kisha thjesht grip”
