Zgjedhjet në Serbi po afrohen, por Ivica Daçiç duket se po mësohet se pritshmëritë apo ëndrrat e tij nuk do të realizohen, Siç shkruan media serbe “Danas”, Millosh Beshiç, profesor në Fakultetin e Shkencave Politike në Beograd, tha se kryetari i Partisë Socialiste të Serbisë, Daçiç, e di se nuk do të marrë mandatin për të formuar qeverinë e ardhshme.
Beshiç tha për agjencinë Beta se nuk është një opsion realist që Ivia Daçiç të jetë kryeministër. Slogani parazgjedhor ‘Kryeministri Daçiq’ duhet t’i japë rëndësi koalicionit SPS-JS dhe t’i dërgojë një mesazh Partisë Progresive Serbe (SNS) dhe publikut se ata mund të jenë maja e peshores dhe për këtë arsye një lojtar serioz në qeveria e ardhshme”, tha profesori.
I pyetur nëse Aleksandër Vuçiç do t’i jepte një mandat Daçiqit nëse SNS dhe SPS fitojnë mandate të mjaftueshme për të formuar një qeveri, Besiç tha se pas zgjedhjeve Daçiç do të hiqte dorë nga ideja për të qenë kryeministër. “Ekziston mundësia që Vuçiç të mos i japë një mandat apo që vetë Daçiq të heqë dorë nga ideja për të qenë kryeministër. Nuk mendoj se Daçiç realisht mendon se mund ta marrë postin e kryeministrit dhe pas zgjedhjeve do të heqë dorë nga strategjia e tij parazgjedhore për pozitën udhëheqëse në qeverinë serbe”, tha Beshiç.
Duke komentuar konfliktet që po ndodhin aktualisht mes SPS-së dhe SNS-së, Beshiç tha se ato ishin të pritshme sepse “ato parti ndajnë një pjesë të elektoratit”. “Pavarësisht konflikteve, SPS nuk po mendon aktualisht për partneritete të tjera paszgjedhore përveç SNS-së”, tha profesori Beshiç. Kujtojmë se zgjedhjet e jashtëzakonshme parlametare në Serbi, do të mbahen të dielën e 17 dhjetorit.
VAZHDO TË LEXOSH MË TEPËR PËR TEMËN
‘Në Kosovë asgjë nuk është e jona’
A ka dyshime në marrëveshjen Kosovë-Serbi?
