Forca e detit deri në 8 ballë me një lartësi dallge deri ne 3.5 metra ka ndikuar në pezullimin e lundrimit të trageteve që operojnë në linjën Durrës-Bari dhe anasjelltas përgjatë ditës së sotme.
Pezullimi i lundrimit u njoftua nga ana e kapitenerisë së Portit të Durrësit, referuar situatës së kushteve hidrometeorologjike të përkeqësura.
Krahas trageteve është ndaluar edhe lundrimi i anijeve tregtare si dhe flota e peshkimit që operon përgjatë bregdetit shqiptar deri në një urdhër të dyte.
Ekuipazhi i mjeteve lundruese është njoftuar që të marin masa për sigurimin e tyre me qëllim shmangien e situatave dhe incidenteve detare përgjatë 48 orëve të fundit.
E vetmja linjë që nuk paraqet probleme në lundrim mbetet ajo drejt Ankonës, ku tragetet do të operojnë normalisht.
VAZHDO TË LEXOSH MË TEPËR PËR TEMËN
Moti i keq paralizon lundrimet nga porti i Durrësit
Moti i keq/ Pezullohen lundrimet drejt Brindisit
Moti i keq/ Era e fortë ndërpret lundrimet
