Bashkimit Europian duket se ende “i qan zemra” për Britaninë e Madhe dhe duket se blloku nuk e ka kapërdirë ende Brexit, ndonëse kanë kaluar 7 vjet, që kur u mor vendimi i vështirë dhe britanikët vetë votuan për të ardhmen e tyre. Ndonëse rrallë e tregon, BE duket se ëndërron për ditën kur Britania të vendosë të rikthehet në shtëpi dhe të ribashkohet. “Britania duhet t’i bashkohet Bashkimit Evropian për të rregulluar Brexit-in” tha së fundmi, presidentja e Komisionit Evropian të martën, në komentet që u dukën si “ftesë” për miqtë britanikë. Nëse qeveria nuk ka plane konkrete për ribashkimin me BE, populli duket se po ndryshon mendje. Sipas një sondazhi të publikuar këtë të mërkurë, shumica e britanikëve janë në favor të ribashkimit në tregun e përbashkët të Bashkimit Evropian, edhe nëse kjo nënkupton rikthimin e lirisë së punëtorëve evropianë për t’u vendosur në vendin e tyre. Kufizimi drastik i imigracionit ishte një nga arsyet kryesore pse britanikët votuan për t’u larguar nga BE në 2016.
“Ftesa” e Von der Leyen
Ursula von der Leyen tha se ajo u kishte thënë fëmijëve të saj se i takon brezit të ardhshëm të “ndreqte” gabimin e Brexit. E pyetur gjatë një interviste në Bruksel të martën mbrëma nëse Britania mund të ribashkohet ndonjëherë me BE-në, Von der Leyen tha: “Më duhet të them, vazhdoj t’u them fëmijëve të mi: “Duhet ta rregulloni. Kështu që unë mendoj se edhe këtu, drejtimi i udhëtimit – mendimi im personal – është i qartë”. Presidentja e KE tha se Britania mund të bashkohet me Bashkimin pasi marrëdhëniet midis Brukselit dhe Londrës u përmirësuan ndjeshëm. Përmirësimi vjen pasi Sunak nënshkroi një marrëveshje të re Brexit për Irlandën e Veriut në shkurt dhe pas fitores shokuese të mbështetësit të “Nexit” Geert Wilders në zgjedhjet holandeze javën e kaluar.”Së pari, faleminderit Zotit Sunak. Me marrëveshjen Windsor, ne patëm një fillim të ri”, tha Von der Leyen.
Marrëveshjet BE-Britani
Nënshkrimi i “Windsor Framework” Brexit për Irlandën e Veriut në shkurt u shpall gjerësisht si një sukses diplomatik.Ai u përpoq të kapërcejë problemet tregtare me protokollin e Irlandës së Veriut që nuk ishte i përfshirë në marrëveshjen origjinale të Brexit-it, ndërkohë që “mbronte vendin e Irlandës së Veriut në Bashkim” dhe adresonte “deficitin demokratik” që ndihej në protokollin origjinal. Që atëherë, Brukseli ka miratuar pjesëmarrjen e Mbretërisë së Bashkuar në Horizon, projektin e saj kyç të kërkimit dhe inovacionit prej 95.5 miliardë eurosh (rreth 82.62 miliardë £) dhe Programin e tij Hapësinor Copernicus, një ndihmë për Britaninë pasi planifikon të rivendosë vendin e saj si shkencë dhe superfuqi e teknologjisë deri në vitin 2030 me investim prej 370 milionë funte. Ndër vite, në udhëheqjen e saj, Von der Leyen ka kërkuar mbështetje të qartë për të punuar më ngushtë me Britaninë.
Rikthimi në BE
Por, kryeministri britanik Rishi Sunak hodhi poshtë sugjerimin se Brexit mund të jetë në telashe. “Falë lirive që fituam përmes Brexit-it, tani po shqyrtojmë se si të forcojmë më tej sistemin tonë të migrimit. Këto liri na lejojnë t’u japim pacientëve në Britaninë e Madhe akses më të shpejtë në ilaçe dhe gjithashtu na kanë lejuar të kujdesemi më mirë për kafshët. Kjo është ajo në të cilën jemi fokusuar”, tha ai. është zëdhënësi i Sunak. “Ne kemi një kryeministër i cili ishte i apasionuar pas Brexit-it përpara se të ishte i mirë për karrierën e tij. Ne jemi të fokusuar që Brexit të jetë i suksesshëm,” shtoi zëdhënësi. Mbretëria e Bashkuar nuk pritet të aplikojë për t’u ribashkuar në BE së shpejti, një proces i gjatë dhe kompleks që mund të zgjasë shumë vite. Por Keir Starmer, i cili kryeson sondazhet e opinionit publik, ka premtuar një ndryshim të madh në marrëdhëniet tregtare nëse laburistët fitojnë zgjedhjet e përgjithshme, të cilat duhet të mbahen vitin e ardhshëm. Sakaq, Sipas një sondazhi të publikuar në maj, vetëm nëntë për qind e britanikëve mendojnë se Brexit ishte më shumë një sukses sesa një dështim. Rreth 62 për qind e njerëzve e përshkruajnë Brexit-in si një masë dërrmuese të gabuar, sipas një sondazhi të YouGov.
VAZHDO TË LEXOSH MË TEPËR PËR TEMËN
‘Brexit, plaga më e rëndë e vetëshkaktuar në histori’
