YouTube nuk i njofton gjithmonë përdoruesit kur prezanton veçori të reja, por ky ndryshim i fundit është mjaft i dobishëm.
Bëhet fjalë për faktin se YouTube ka lejuar disa persona të shohin numrin e pëlqimeve dhe komenteve në kohë reale, pra ndryshimin e tyre “nga minuti në minutë”.
Aktualisht, numri i pëlqimeve dhe komenteve nuk ndryshon gjatë shikimit të një videoje, por një veçori e re në aplikacionin Android e mundëson këtë, me një animacion interesant.
Sipas faqes së internetit Android Police, duket se ndryshimi në numrin e pëlqimeve dhe komenteve nuk varet nga fakti nëse videoja juaj është në pauzë apo po shikohet aktualisht.
Faqja gjithashtu shton se është e vështirë të thuhet se kur funksioni mbërriti në YouTube, duke pasur parasysh se ekipi që qëndron pas platformës nuk ka njoftuar asgjë në lidhje me të.
Ndoshta sepse funksioni është ende i kufizuar në disa përdorues dhe rajone, dhe një nga zyrtarët tha se “nëse e shihni YouTube-in tuaj të duket pak më ndryshe, ndoshta është një veçori eksperimentale”.
VAZHDO TË LEXOSH MË TEPËR PËR TEMËN
“Stina e përmbytjeve”/ Sigurimi i Pronës dhe KASKO nga SIGAL UNIQA, varkat e vetme të shpëtimit
