Ministri i Brendshëm Taulan Balla ndaloi sot në komisariatin e policisë së Fierit për të analizuar ecurinë e policisë gjatë vitit të shkuar si dhe për të diskutuar planet e ardhshme.
Balla i ka kërkuar drejtuesve të policisë së Fierit të mos pranojnë asnjë ndërhyrje në punën e tyre.
“Me thoni nje rast kur une qofte me pare, qofte si Minister t’ju kem marre nje here ne telefon. Urdherat dhe porosite i merrni nga eproret dhe nga ligji, tha Balla.
Sipas Ballës, zbardhja e ngjarjeve te renda kriminale janë një test për të fituar besimin ndaj publikut, duke theksuar se këto ngjarje do të jenë në fokus të punës së policisë e duke ngritur grupe pune të përbashkëta për zbardhjen e tyre.
Ai ka përmendur rastin e deputetit Xhindi dhe disa ngjarjeve të tjera të rënda që kanë pasuar në dy tre vitet e fundit.
Persa i perket narkotikeve ministri i Brendshem theksoi se kjo eshte nje beteje e vazhdueshme deri ne arritjen dhe ndalimin e kokave te rendësishme te ketij trafiku.
VAZHDO TË LEXOSH MË TEPËR PËR TEMËN
