MENU
klinika

Parku Natyror ku mbrohen habitatet dhe speciet e veçanta

Rama ndan pamjet nga Bredhi i Sotirës

30.01.2024 - 11:36

Kanë kaluar dy vite nga shpallja e Bredhit të Sotirës ‘Park Natyror’. Kryeministri Edi Rama ka ndarë pamje mbresëlënëse nga kjo zonë.

Rama shkruan se në këtë park mbrohen habitatet dhe speciet e veçanta, duke dhuruar peizazhe të shumëllojshme në çdo stinë.

“Mirëmëngjesi dhe me pamjet e Bredhit të Sotirës në Dropull që feston përvjetorin e shpalljes “Park Natyror” me një sipërfaqe të rritur ku mbrohen habitatet dhe speciet e veçanta, duke dhuruar edhe peizazhe të shumëllojshme në çdo stinë, ju uroj një ditë të mbarë”, shkruan Rama.

Zona e Mbrojtur “Bredhi i Sotirës” është mahnitës në çdo stinë veçanërisht në vjeshtë. I ndodhur në njësinë Administrative “Dropull i Sipërm”, kjo zonë shtrihet në një sipërfaqe prej 1740 ha dhe konsiderohet si një perlë të natyrës shqiptare, qoftë nga pikëpamja ekoturistike si dhe nga ajo shkencore.

Për të shkuar në “Bredhin e Sotirës” përshkohet rruga nacionale Gjirokastër – Llongo – Sotirë. “Bredhi i Sotirës” është një libër i hapur botanik, ku në të mund të shikosh të gjitha katet e bimësisë me shtrirje vertikale, që nga shkurret mesdhetare me marenë dhe prrallin, dushqet e ndryshme gështenjën dhe bredhin e Maqedonisë si lloj kryesor dhe deri te kullotat alpine të Stugarës dhe të Murganës.

Terreni ka një larmi formash gjeomorfologjike ku në pjesën e sipërme ka shpate me pjerrësi shumë të madhe dhe shkëmbinj të thepisur, të cilat përbëjnë një peizazh të mrekullueshëm turistik. “Bredhi i Sotirës” ofron pamje magjepsëse në çdo stinë, gjelbërimin e pranverës, freskinë e verës, kontrastin e ngjyrave të vjeshtës dhe dëbora në dimër që mbulon majat e Murganës dhe Stugarës.

 

"Kujdes! Ligji parashikon dënim të rëndë…"

Nëntë vatra zjarri në 24 orë/ “Mbrojtja” apel banorëve

Tre aktive në Delvinë, Gjirokastër e Dibër

14 vatra zjarri gjatë 24 orëve në Shqipëri

“Vendi perfekt ku mund të kaloni pushimet”

“Breaking Travel News”: Shqipëria, ‘Evropa e fshehur’!