Ministri i Mbrojtjes Niko Peleshi tha se po kërkohen investime për funksionimin e fabrikave për prodhim dhe armatim.
Në një intervistë për “Real Story” në ABC News, Peleshi foli edhe për vizitën e presidentit ukrainas Volodymyr Zelensky sot në Tiranë, i cili është duke lënë tokën shqiptare.
“Nuk e kishim menduar se do vinte koha e një konflikti konvencional. Dy vite më parë Rusia tronditi gjithë situatën gjeopolitike në botë. Në aspektin ekonomik është një industri që siguron të ardhura, por edhe në forcimin e kapaciteteve mbrojtëse sidomos në këto kohë ku paqja dhe stabiliteti janë në kërcënim.
Ka disa aktivitete minore prodhimi, edhe ajo e Gramshit dhe Poliçanit është pasive. Ne duam të futemi në industrinë. Ne po kërkojmë investime, kemi bërë hapa serioze me MSPA për të hartuar një studim fizibiliteti. Pjesa e madhe e makinerive nuk punon më”, tha ai.
VAZHDO TË LEXOSH MË TEPËR PËR TEMËN
Çfarë deklaroi Vuçiç në Tiranë: Kemi disa propozime për deklaratën!
Çfarë kërkon presidenti ukrainas në Tiranë?
“Konferenca e Mynih-ut, paralele fatale mes Hitlerit dhe fundit të Putinit”
