Mëngjesin e kësaj të enjteje banues të një pallati në lagjen 17, pranë Rajonit të Policisë së qytetit të Durrësit kanë protestuar kundër rikonstruksionit të objektit.
Të shqetësuar ata shprehën pamundësinë e tyre për daljen nga banesa në një afat të shkurtër 10 ditor. Ata kërkojnë t’i paguhet qeraja për muajt që do të largohen nga shtëpia ose në të kundërt e refuzojnë këtë konstruksion.
Banorët tregojnë se kanë përfituar bonusin e qeras gjithashtu kanë përfituar edhe shumën prej 500.000 lekë të reja në përputhje me aktekspertizën e bërë. Sipas së cilës objekti i banuar ka pasur dëmtime të nivelit DS3.
Nga njoftimi i ri që kanë marrë, ata janë lajmëruar të boshatisin shtëpitë e tyre sepse pallati sipas rishikimeve të bëra është në nivelin e dëmtimit DS4.
Protestuesit patën edhe një përballje me nën kryetarin e bashkisë së Durrësit z. Elio Jani, i cili u shpreh se konstruksioni ishte në të mirë të qytetarëve, pasi pallati kishte kollonat e dëmtuara. Sipas tij rregullimi i tyre do të zgjaste 3 muaj dhe më pas qytetarët do të ktheheshin të sigurt në banesat e tyre.
VAZHDO TË LEXOSH MË TEPËR PËR TEMËN
Gërmadhat e politikës mbi gërmadhat e tërmetit
Kush përfiton dhe kush jo nga Programi i Rindërtimit?
7 ekspertë italianë i vijnë në ndihmë prokurorisë së Durrësit
