Në mes të luftës në Ukrainë, e cila nuk ka fund në horizont, një gazetë kineze paralajmëroi të dielën se NATO mund ta zgjerojë konfliktin dhe ta kthejë atë në një ‘luftë botërore’, shkruan Newsweek.
Tashmë tensionet e larta midis Rusisë dhe NATO-s janë përshkallëzuar javët e fundit pasi aleanca ushtarake njoftoi nisjen e stërvitjes më të madhe ushtarake në 35 vitet e fundit.
Stërvitja e quajtur ‘Steadfast Defender 2024’, e nisur në fund të janarit do të zgjasë deri në fund të majit dhe do të përfshijë 90,000 ushtarë nga 31 aleatë të NATO-s dhe Suedia. Në njoftimin e aleancës ushtarake për operacionet, nuk përmendet konkretisht Rusia, edhe pse Rusia, sipas dokumenteve që ka parë Reuters, konsiderohet si kërcënimi më i madh për sigurinë e vendeve anëtare.
Një nga objektivat kryesore të stërvitjes do të jetë “të demonstrojë aftësinë e NATO-s për të dislokuar me shpejtësi forcat e saj nga Amerika e Veriut dhe pjesë të tjera të Aleancës për të forcuar aftësinë mbrojtëse të Evropës”.
Tabloidi kinez në gjuhën angleze “Global Times”, i cili shpesh publikon propagandën e Partisë Komuniste Kineze, botoi një artikull me titull “NATO shtyn konfliktin Rusi-Ukrainë drejt Luftës Botërore” dhe përmendi vizitën e fundit të Sekretarit të Përgjithshëm të NATO-s në SHBA gjatë së cilës ai foli mbi gatishmërinë e aleancës së NATO-s.
“Është e qartë se kjo nuk ka të bëjë vetëm me kërkimin e fondeve. Kjo është qartësisht përgatitje e publikut për zgjerimin e konfliktit ruso-ukrainas në një luftë botërore”, thuhet në tekstin e “Global Times”.
Artikulli paralajmëron gjithashtu për ndikimin që mund të ketë NATO pasi mund të çojë në “ndarje dhe konflikt” në nivel global.
VAZHDO TË LEXOSH MË TEPËR PËR TEMËN
“Shekulli blu”, superfuqitë do të “ndeshen” nën ujë
