Ish-kryeministri Sali Berisha, i cili prej 30 dhjetorit ndodhet në “arrest shtëpie” kërkon që t’i hiqet kjo masë sigurie e vendosur nga SPAK.
Sipas gazetares Klodiana Lala, seanca për masën e sigurisë së Berishës do të shqyrtohet gjatë ditës së sotme, në orën 15:00.
Gjykata e Posaçme kundër Korrupsionit ka vendosur për Berishën masën e sigurisë “arrest shtëpie”, në lidhje me aferën e kompleksit Partizani.
Ish-kryeministri është vënë nën akuzë për korrupsion, së bashku me dhëndrin e tij, Jamarbër Malltezi. Si Berisha, ashtu edhe Malltezi kanë kundërshtuar akuzat.
Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese. Pas moszbatimit të këtyre masave, Struktura e Posaçme ashpërsoi masën e sigurisë për Berishën, duke e lënë në arrest shtëpie.
VAZHDO TË LEXOSH MË TEPËR PËR TEMËN
‘Kathimerini’: Nëse Beleri dënohet, Athina do të…
“Arrestimi i Berishës, më i bujshmi nga SPAK”
“Fati” i Sali Berishës/ Prapaskenat çfarë do të ndodhë të hënën
