Ditën e sotme do të përurohet në Kuçovë baza ajrore e restauruar që tashmë është vënë në dispozicion të Aleancës së Atlantikut Verior.
Kjo bazë do të shërbejë si qendër për aktivitetet e Forcës sonë Ajrore, duke ofruar infrastrukturë të avancuar për avionët luftarakë dhe ata të transportit të Aleancës.
Punimet për rikonstruksionin e saj nisën në janar të vitit 2022. Prej asaj kohe është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë.
Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare.
Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës si dhe të sensorëve të zbulimit të ndërhyrjeve përgjatë rrethimit të bazës.
Baza ajrore e Kuçovës ishte pjesë e bisedimeve dypalëshe mes kryeministrit Rama dhe sekretarit Anthony Bliken.
Shefi diplomacisë amerikane deklaroi se kjo bazë do të ketë ndihmën e të gjithë vendeve partnere në NATO për pajisjen e saj me teknologjinë më të fundit.
Blinken shtoi se “fakti që pak javë më vonë do të përurohet baza ajrore e Kuçovës, është një mënyrë e mrekullueshme për të nënvizuar dhe theksuar angazhimin që Shqipëria ka bërë ndaj NATO-s dhe NATO ka ndaj Shqipërisë”.
AXHENDA
Fjala hapëse do të mbahet ministri i Mbrojtjes Niko Peleshi, pas tij do të flasë Shefi i Shtabit të Përgjithshëm Arben Kingji. Pas dy zyrtarëve të lartë të Mbrojtjes në Shqipëri, fjalën do ta marrë përfaqësuesja e NATO-s, Stacy. A. Cummings.
Në ceremoni do të mbajë një fjalë përshëndetëse edhe Gjenerallejtënant Juan Sanchez de Lara, Komandanti i Qendrës së Kombinuar të Operacionit Ajror të NATO-s në Bazën Ajrore Torrejón, Spanjë.
Të pranishëm do të jetë edhe ministri turk i Mbrojtjes Yasar Guler si dhe ministri Italian i Mbrojtjes Guido Croseto, të cilët po ashtu do të flasin në ceremoninë e hapjes.
Pas tyre kryeministri Edi Rama do të ketë fjalën përshëndetëse, i ndjekur nga kryetarja e Kuvendit Lindita Nikolla, ndërsa fjala përshëndetëse do të mbyllet nga presidenti Bajram Begaj, i cili është edhe Komandant i Përgjithshëm i Forcave të Armatosura.
VAZHDO TË LEXOSH MË TEPËR PËR TEMËN
Baza e NATO-s në Kuçovë gati/ Hapet në 4 Mars
“NATO hap bazën ajrore të Kuçovës…”
“Baza ajrore e Kuçovës, rol kyç në stërvitjen e NATO-s!”
