Shtëpia italiane e modës Versace ka zgjedhur Cillian Murphy si imazhin e ri. “Jam e kënaqur që Cillian tani është pjesë e familjes Versace”, tha drejtoresha artistike Donatella Versace në një deklaratë.
“Ai është një aktor i jashtëzakonshëm dhe çmimi tij në Oscar është absolutisht i merituar”, tha ajo duke shtuar se ai është një aktor mjaft tërheqës në ekran.
Përtej Oscars, ylli i Peaky Blinders ka dëshmuar se ka shumë stil edhe në veshje, edhe pse është vetëm 1.72 m i gjatë.
Aktori irlandez, i cili luajti në filmin Oppenheimer, do të kryesojë fushatën e re të modës, ku do të shihet duke veshur pjesë nga koleksioni i ri i Versace për meshkuj. Bashkëpunimi me markën vjen pasi aktori i njohur zgjodhi të vishej me një kostum të zi të realizuar nga marka e njohur në natën e çmimeve Oscar aty ku edhe mori çmimin e aktorit më të mirë.
E planifikuar të nisë më 3 Prill, kjo do të jetë fushata e parë e Murphy për kompaninë italiane të modës luksoze.
VAZHDO TË LEXOSH MË TEPËR PËR TEMËN
Cillian Murphy triumfon në çmimet SAG
Golden Globes 2024: lista e plotë e fituesve
Oscar 2024, “Oppenheimer” filmi më i mirë i vitit
