Detaje të reja janë zbuluar lidhur me vrasjen e sotme të një 19-vjeçari në Fier, nga një bashkëmoshatar i tij.
Deri më tani është mësuar se viktima kishte lënë dy orët e fundit të mësimit dhe është takuar me autorin e dyshuar, Fation Muka, me të cilin ka pasur fillimisht përplasje verbale e më pas ka kaluar në përleshje fizike.
Gazetari Fatjon Gjinaj ka zbuluar se gjatë përplasjes fizike mes tyre, një tjetër i ri ka ndërhyrë për t’i ndarë, por ka mbetur i plagosur nga thika e autorit.
Ai shtoi se mes dy të rinjve ka pasur një konflikt me ofendime dhe kërcënime në rrjetin social “TikTok” që më pas ka kaluar në konfliktin e dhunshëm që i kushtoi jetën 19-vjeçarit.
“Nga të dhënat e deritanishme viktima ka lënë dy orët e fundit të mësimit. Kanë patur një përplasje verbale që ka agravuar në konflikt fizik. Në vendngjarje kanë qenë disa persona që shoqëronin viktimën dhe autorin Florian Muka. Një prej tyre ka ndërhyrë dhe në tentativë për të parandaluar agravimin e konfliktit është plagosur. Plaga e viktimës ka qenë fatale dhe pavarësisht ndërhyrjes së mjekëve nuk është mundur të shpëtohet 19-vjeçari.
Mes tyre ka pasur përplasje verbale dhe disa komente ofenduese në TikTok. Gjithçka ka agravuar në përplasje fizike. Në rrethin e njohjeve të djemve ata përshkruhen si djem të qetë dhe jo problematikë, madje frekuentonin rregullisht shkollën”, zbuloi gazetari duke folur në News 24.
