Zbardhen detaje të reja nga aksidenti i djeshëm në Fier.
Është gjendur trupi i pajetë i 22-vjeçarit Fabjol Ibraliut, i cili doli nga rruga teksa ishte duke udhëtuar me një mjet tip “Ford” dhe ka përfunduar në afërsi të banesave.
Mësohet se trupi i tij është gjendur brenda shkurreve dhe barishteve, shumë pranë mjetit të shkatërruar nga përplasja e fortë.
I riu ishte duke udhëtuar me 160 km/h, ku fillimisht është përplasur me makinat e tjera që ndesheshin në anë të rrugës, e më pas ka përfunduar në afërsi të banesave.
Nëna e të riut, kërkonte të birin dhe pyeste policinë se ku është djali. Mes të bërtiturave dhe ulërimave ajo thotë se i biri i saj ka vdekur.
Një punonjës policie u përpoq ta qetësonte, teksa i tha se i biri nuk është në makinë dhe është larguar nga vendi i ngjarjes. Nga trauma e pësuar nëna humbi dhe ndjenjat.
