Kreu i KQZ-së, Ilirjan Celibashi është ndalur të flasë për mediat pas përfundimit të takimit me Grupin e Dialogut në Kryesi, ku është diskutuar për Reformën Zgjedhore dhe votën e diasporës.
Ai shprehet se palët duken të angazhuara për realizimin e votës së emigrantëve, ndërsa thekson se ka propozuar që të jetë KQZ ajo që ta administroj procesin.
Celibashi: Nëse nuk do të kemi rregullat për votimin nga jashtë brenda këtij sesioni të kuvendit, thuajse me siguri absolute votimi nga jashtë nuk mund të realizohet në 2025. Nga ajo që pashë në këtë format tavoline, duket që palët janë të angazhuara seriozisht. Nuk e di nëse do të prodhojnë rezultat, por duket që ka interes dhe vullnet për një zgjidhje në lidhje për këtë çështje duke e parë nga natyra e pyetjeve.
Çështja e afatit ka rëndësinë e vet por ajo që propozova është që të jetë institucioni i KQZ, ai i cili administron kërkesat e atyre votuesve që duan të votojmë jashtë territorit. Gjithë këtë proces ta administrojë KQZ. Nëse do të konsiderohej ideja që propozoj, mendoj që votimi të kryhet ose nëpërmjet internetit ose në mënyrë tjetër elektronike. Nuk mendoj se është votimi me postë si zgjidhja më e mirë për rastin e Shqipërisë. Një ndër opsionet është ai i kombinuar ku fleta dërgohet në mënyrë elektronike.
VAZHDO TË LEXOSH MË TEPËR PËR TEMËN
Vota e emigrantëve, Celibashi u bën thirrjen e fortë partive politike
