Mjeti ajror i armatosur pa pilot (UAV) i kompanisë turke të mbrojtjes Bayrak, Bayraktar TB3, theu të enjten një rekord lartësie me motor të prodhimit vendas, duke arritur në 33.000 këmbë (feet) në një test performance, transmeton Anadolu.
Sipas një deklarate nga Baykar, procesi i testimit për Bayraktar TB3 ka vazhduar me sukses.
Pasi bëri fluturimin e parë për 100-vjetorin e Republikës së Türkiyes më 27 tetor 2023, duke kryer me sukses testet e performancës në lartësi të mesme dhe të larta, droni Bayraktar TB3 përfundoi Testin e Performancës së Sistemit të Lartësisë së Madhe të enjten, duke arritur një lartësi rekord.
Droni përfundoi me sukses testin në Qendrën e Trajnimit dhe Testimit të Fluturimeve AKINCI në rrethin Çorlu të provincës Tekirdağ me motorin PD-170 të zhvilluar nga TUSAS Engine Industries Inc., ose TEI.
Rekordi i lartësisë i përket mjetit ajror luftarak pa pilot Bayraktar AKINCI TIHA i zhvilluar nga Baykar, në 45.118 këmbë.
Droni Bayraktar TB3 regjistroi gjithsej 327 orë e 35 minuta në fluturime testuese, përfshirë një fluturim të jashtëzakonshëm 32-orësh të vazhdueshëm që mbuloi 5.700 kilometra më 20 dhjetor 2023.
Më 26 mars të këtij viti, ai arriti një tjetër moment historik duke fluturuar me sukses me sistemin ASELFLIR-500 të zhvilluar në vend, i njohur për performancën e tij superiore globalisht.
I pajisur me krahë të palosshëm, Bayraktar TB3 do të bëhet UAV-ja e parë e armatosur e aftë për të operuar nga anije me pistë të shkurtër si TCG Anadolu. Ky përparim, i shoqëruar me aftësinë e tij të komunikimit përtej vijës së shikimit, e pozicionon atë si një ndërrues të lojës në misionet e zbulimit, inteligjencës dhe të sulmeve, duke rritur ndjeshëm aftësitë parandaluese të Türkiyes.
Baykar, kryesisht i vetëfinancuar, është mbështetur në eksportet për 83 për qind të të ardhurave të tij që nga viti 2003, duke u bërë udhëheqësi i eksporteve në sektorin e mbrojtjes dhe aviacionit, sipas Asamblesë së Eksportuesve Turq.
E njohur nga Presidenca e Industrive të Mbrojtjes në 2023, eksportet e Baykarit arritën në 1.8 miliardë dollarë vitin e kaluar, duke përbërë mbi 90 për qind të të ardhurave të saj dhe një të tretën e eksporteve totale të sektorit në vitin 2023.
Si eksportuesi më i madh në botë i mjeteve ajrore pa pilot, Baykar ka përmbushur 97.5 për qind të kontratave të tij nëpërmjet eksporteve, me marrëveshje të nënshkruara me gjithsej 34 vende, përfshirë 33 vende për UAV-në Bayraktar TB2 dhe nëntë vende deri më tani për dronin luftarak Bayraktar.
