Për dekada, disa mjekë u kanë thënë grave se mjegulla e trurit, pagjumësia dhe luhatjet e humorit që përjetojnë në moshën e mesme janë “të gjitha në kokën e tyre”. Tani, studimet e imazhit të trurit të grave – të kryera para, gjatë dhe pas menopauzës – zbulojnë ndryshime dramatike fizike në strukturë, lidhje dhe metabolizmin e energjisë. Këto ndryshime nuk janë të dukshme vetëm në skanime, por shumë gra gjithashtu mund t’i ndjejnë ato, tha Lisa Mosconi, një neuroshkencëtare dhe autore e librit “Truri i menopauzës”.Share
“Menopauza ndikon në tru”, tha Mosconi, një profesoreshë e në New York City. “Ne nuk jemi çmendur. Nuk po e humbasim arsyen.”
Mosconi dhe kolegët e saj kanë bërë imazhe të trurit të grave dhe kanë zbuluar se vëllimi i lëndës gri reduktohet në zonat e trurit të përfshira në vëmendje, përqendrim, gjuhë dhe kujtesë.
Dhe ka rënie në nivelet e energjisë së trurit, që do të thotë se truri e tërheq glukozën nga qarkullimi i gjakut dhe nuk e djeg atë aq shpejt ose, ndoshta, me aq efikasitet sa dikur, tha Mosconi.
