Pavarësisht ultimatumit izraelit dhe qëndrimit të ashpër të marrë nga Benjamin Netanyahu, Shtetet e Bashkuara ende po përpiqen të parandalojnë pushtimin e Rafahut dhe të bëjnë Tel Aviv dhe Hamasin të arrijnë një marrëveshje për lirimin e pengjeve.
Dje, sekretari amerikan i shtetit Antony Blinken u takua me kryeministrin e shtetit hebre në Jerusalem, si pjesë e vizitës së tij të shtatë në Lindjen e Mesme që nga fillimi i konfliktit.
Gjatë takimit kokë më kokë, kryeministri izraelit përsëriti se nuk do të pranojë asnjë marrëveshje me Hamasin që parashikon përfundimin e luftës në Gaza.
Sipas asaj që raportoi Barak Ravid i faqes së internetit “Axios”, nga ana e tij, numri dy në Shtëpinë e Bardhë “ripohoi qëndrimin e qartë të Shteteve të Bashkuara për Rafah”, në lidhje me sulmin të cilin ekzekutivi i Tel Avivit nuk ka ndërmend ta anulojë edhe nëse do të arrihet një marrëveshje me Hamasin.
Lidhur me këtë çështje, komuniteti ndërkombëtar dhe shumë shoqata humanitare kanë shprehur vazhdimisht shqetësimin e tyre për mbi 1.5 milionë civilë të grumbulluar në qytet, shumë prej të cilëve janë larguar nga zonat e luftimit muajt e fundit.
Blinken theksoi gjithashtu “përmirësimin” në dërgesat e ndihmave për popullin e Gazës, gjatë muajit të kaluar dhe i kërkoi kryeministrit në Tel Aviv t’i rrisë ato.
Nga ana e tij, Netanyahu përsëriti se nuk do të pranojë asnjë marrëveshje me Hamasin që do të përfshinte fundin e luftës në Gaza.
Përveç samitit me kryeministrin, Blinken u takua edhe me presidentin Isaac Herzog dhe familjet e pengjeve izraelito-amerikanë.
Kreu i diplomacisë amerikane u ndal gjithashtu për të folur me demonstruesit e mbledhur jashtë hotelit të tij në Tel Aviv.
VAZHDO TË LEXOSH MË TEPËR PËR TEMËN
