Euro, monedha zyrtare për 20 shtetet anëtare në Bashkimit Evropian, ka pësuar një rënie që nga e premtja. Një ndër arsyet është fuqizimi i së djathtës ekstreme në zgjedhjet e Parlamentit Evropian. Partitë e së djathtës ekstreme fituan mbështetje të konsiderueshme, pavarësisht se PPE rriti gjithashtu dominimin e tyre.
Në orën 00:48 me orën qendrore evropiane, euro ra me 1% kundrejt dollarit amerikan që nga hapja e tregut të premten, duke arritur në 1.0774, niveli më i ulët në pothuajse në një muaj. Ndërkohë, monedha u dobësua kundrejt paundit britanik në 0.8469, niveli më i ulët që nga gushti 2022. Euro gjithashtu ra kundrejt frangës zvicerane në 0.9660, niveli më i ulët në më shumë se dy muaj.
Rënia e euros reflekton pasiguritë e rritura mes fuqisë në rritje të partive të së djathtës ekstreme. Përfaqësuesit e të djathtës, kryesisht populistë, kanë tendencë të jenë skeptikë ndaj BE-së, kundër imigracionit ose kundër tranzicionit të gjelbër. Rritja e ndikimit të tyre brenda këtyre grupeve ka potencialin të pengojë politikat parlamentare të Bashkimit Evropian në këto fusha, duke sjellë sfida në bashkërendimet politike dhe ekonomike.
Banka Qendrore Evropiane dha uljen e parë të normave që nga viti 2019 javën e kaluar, duke shënuar fundin e ciklit aktual të rritjes së normave. Pavarësisht një qëndrimi të ashpër në mbledhjen e politikave, pasiguritë politike në rritje mund të shtyjnë BQE-në të jetë më akomoduese në politikat monetare për të mbështetur ekonominë e rajonit. Kjo mund të devijojë më tej qëndrimin e politikës së bankës qendrore nga ai i homologëve të saj perëndimorë, veçanërisht Rezerva Federale.
VAZHDO TË LEXOSH MË TEPËR PËR TEMËN
Euro në pikiatë, Ibrahimaj tregon faktorët që kanë ndikuar
Euro në pikiatë/ Çfarë paralajmëron ekspertja?
