Lamine Yaman është në qendër të vëmendjes botërore. Edhe pse ende nuk ka mbushur 17 vjeç, ai vendosi rekordin që do të duhen dekada për t’u thyer teksa shënoi në ndeshjen gjysmëfinale ndaj Francës, një gol spektakolar, i cili çoi në finale “Furinë e Kuqe”.
Ndërkohë, prej një jave, një foto është duke bërë xhiron në rrjet, ku shfaqet Lionel Messi në kohën kur ishte te Barcelona dhe në krah mban Lamin Yamal.
Mesit spanjolle kanë shkruar se fotoja është kapur në vitin 2007 në dhomat e zhveshjes në Camp Nou dhe ka pasur si qëllim bamirësinë.
Javën e kaluar, fotoja u publikua nga babai i Yamal, ndërsa bashkëngjitur shkroi: “Fillimi i dy legjendave”.
Mësohet se ka qenë Joan Monfort, fotograf i pavarur për Associated Press, ai që ka shkrepur fotot. Fillimisht, UNICEF kishte bërë një lotari në qytetin Mataró, aty ku jetonte familja e Lamine. “Ata u regjistruan për lotarinë për të bërë foto në Camp Nou me një lojtar të Barçës. Dhe ata fituan shortin”, tha Monfort.
Messi është në perëndim të karrierës së tij, e cila nuk do të harrohet për vite me radhë, ndërsa Yamal sapo ka nisur shkëlqimin dhe menjëherë është duke thyer rekorde, ndoshta mund të jetë ai që një ditë mund të bëhet edhe më i madh se argjentinasi që e mbajti në krah në vitin 2007.
VAZHDO TË LEXOSH MË TEPËR PËR TEMËN
Sot, gjysmëfinalja e parë e Euro 2024
Publikohen formacionet e sfidës Spanjë-Gjermani
Xavi i bindur: Yamal-Cubarsi do të bëjnë epokë në futboll
