Vladimir Putin ka përshkallëzuar retorikën e tij bërthamore, duke deklaruar se Rusia do të konsideronte përdorimin e armëve bërthamore nëse do të sulmohej nga ndonjë shtet me armë konvencionale.
“Rusia do ta konsideronte një sulm nga një shtet jo-bërthamor, i mbështetur nga një shtet me armë bërthamore, si një sulm të përbashkët’, tha kreu i Kremlinit.
Deklaratat e tij të mërkurën erdhën gjatë një takimi me këshillin e sigurisë të Rusisë, ku ai njoftoi gjithashtu ndryshime në doktrinën bërthamore të vendit, ku Rusia do të përdorte arsenalin e saj bërthamor.
Putin tha se Rusia do të konsideronte përdorimin e armëve bërthamore nëse Moska merr “informacion të besueshëm” për fillimin e një lëshimi masiv të raketave, avionëve ose dronëve kundër saj.
Komentet shënuan paralajmërimin më të fortë të Rusisë deri më tani për Perëndimin, vijnë pasi Kievi kërkon miratimin për të përdorur raketa perëndimore me rreze të gjatë veprimi kundër objekteve ushtarake në Rusi.
Ukraina është një shtet jo-bërthamor që merr mbështetje ushtarake nga SHBA dhe vende të tjera të armatosura bërthamore.
Presidenti ukrainas, Volodymyr Zelenskyy, ka kërkuar prej muajsh leje për të përdorur raketat britanike Storm Shadow dhe raketat Atacms të prodhuara nga SHBA për të goditur objektivat më thellë brenda Rusisë.
VAZHDO TË LEXOSH MË TEPËR PËR TEMËN
“Duhet të përgatitemi për një botë me më shumë raketa ruse”
“Nëse Moska ndërpret furnizimin me gaz, BE është gati”
