Dimri është sezoni i ftohjeve dhe gripit, veçanërisht nëse jeni vazhdimisht të ekspozuar në turma të mëdha njerëzish apo keni fëmijë në kopsht. Por, a është ftohja diçka e pashmangshme? Jo domosdoshmërisht. Studimet e fundit tregojnë se qëndrimi juaj mendor dhe niveli i stresit mund të luajnë një rol të rëndësishëm në shanset tuaja për të shmangur infeksionet.
Si ju prekin ftohjet e zakonshme?
Ftohja e zakonshme është një infeksion viral që përhapet lehtësisht në ambiente publike. Kur dikush kollitet, teshtin apo flet, mikro-pikat e ajrit bartin virusin që mund të përhapet te personat afër. Gjithashtu, sipërfaqet si dorezat e dyerve, butonat e ashensorit dhe pajisjet në punë shpesh janë të kontaminuar dhe prekja e tyre mund të sjellë ekspozim ndaj virusit.Por, përse disa njerëz duket se i shmangin ftohjet edhe kur janë të ekspozuar? Përgjigja mund të qëndrojë te qëndrimi dhe niveli i stresit.
Përse qëndrimi juaj bën diferencën?
Studimet e kryera nga “Carnegie Mellon University” tregojnë se individët që përjetojnë nivele të larta stresi psikologjik janë më të predispozuar për të marrë një ftohje. Arsyeja kryesore lidhet me rritjen e inflamacionit në trup, i cili dobëson sistemin imunitar dhe e bën trupin më të prekshëm ndaj viruseve.
?Në të kundërt, njerëzit që janë më të lumtur dhe kanë një qëndrim pozitiv duket se kanë një avantazh shëndetësor. Studimet sugjerojnë se optimizmi jo vetëm që ul mundësinë për të marrë ftohje, por gjithashtu ndihmon në përballimin e simptomave nëse sëmureni. Thënë thjesht, njerëzit optimistë e përjetojnë ftohjen më lehtë.
Si përfundim?
Edhe pse askush nuk mund të shmangë sëmundjet 100%, një qasje pozitive mund t’ju japë një avantazh të vogël. Sezoni i dimrit nuk duhet të jetë sinonim i sëmundjeve të pafundme.
Me disa ndryshime të vogla në qëndrimin tuaj dhe një kujdes të shtuar ndaj shëndetit mendor, mund të forconi sistemin tuaj imunitar dhe të minimizoni rrezikun e sëmundjeve.
Nuk është gjithmonë supa e pulës që bën mrekulli, ndonjëherë mjafton një buzëqeshje më shumë dhe një qëndrim pozitiv!
