Ministri për Evropën dhe Punët e Jashtme, Ditmir Bushati ka takuar zv/asistent sekretarin e shtetit Matthew Palmer.
Gjatë punimeve të Forumit të Dubrovnikut me temë: “Forcimi i elasticitetit-Mesdheu, Evropa dhe Ballkani Perëndimor”, Bushati zhvilloi një takim me Palmer.
Gjatë këtij takimi, Palmer vlerësoi ritmin e reformave të brendshme duke u ndalur veçanërisht tek zbatimi i reformës në drejtësi. Ai gjithashtu vlerësoi rolin e pazëvendësueshëm konstruktiv të Shqipërisë në rajon.
Ministri për Evropën dhe Punët e Jashtme, Ditmir Bushati, në Forumin e Dubrovnikut me temë: “Forcimi i qëndrueshmërisë – Mesdheu, Evropa dhe Ballkani Perëndimor”, theksoi katër sfida kryesore me të cilat përballemi dhe që dëmtojnë qëndrueshmërinë e vendeve të rajonit.
“Migracioni, diferencat socio-ekonomike me vendet e BE dhe ndërlidhshmëria, shteti i së drejtës, çështjet e pazgjidhura që lidhen me shtetformimin dhe kufijtë, kanë nevojë për adresimin e duhur, në mënyrë që t’u përgjigjemi pritshmërive të të rinjve të shek. XXI”.
M.H
VAZHDO TË LEXOSH MË TEPËR PËR TEMËN
Bushati: Sfidat me të cilat përballet rajoni duhen adresuar
