Sipas disa të dhënave nga databaza e Bankës Botërore për vitin 2017, vihet re se edhe pse Shqipëria nuk plotëson as 50% të nevojave të konsumit të brendshëm me prodhime bujqësore, sektori i bujqësisë ka peshën më të lartë me PBB në Evropë.
Sipas të dhënave, në Shqipëri bujqësia zë 19% të PBB-së me një diferencë prej 10 pikësh përqindje me Kosovën.
Shqipëria zë vendin e dytë me peshën më të lartë të bujqësisë në Evropë.
Pesha e bujqësisë në ekonominë shqiptare është 6 herë më e lartë se mesatarja e Evropës dhe 3-fishi i mesatares rajonale.
Përsa i përket renditjes në botë, Shqipëria u rendit krah vendeve afrikane e 36-ta me peshën më të lartë të bujqësisë në ekonomi.
Struktura e ekonomisë së rajonit, ku përfshihet edhe Shqipëria dominohet nga shërbimet. Shërbimet zënë 51-71% të ekonomisë në varësi te vendeve.
Në Shqipëri, industria e shërbimeve zë peshën më të ulët në ekonomi me 51%, edhe pse ka 316 km vijë bregdetare.
Në strukturën e ekonomisë shqiptare, bujqësia është dominante.
Kjo për shkak të copëzimit më të lartë të tokës në krahasim me rajonin dhe një zhvillimi spontan të paorganizuar.
Pesha e bujqësisë në strukturën e ekonomisë shqiptare është sa trefishi i rajonit.
Pesha e bujqësisë në vendet e rajonit:
-Maqedoni, 7.9%
-Mal të Zi, 6.8%
-Turqi, 6.1%
-Serbi, 6%
-Bosnjë, 5.6%
-Kosovë, 9.1%
Sektori i shërbimeve në vendet e rajonit:
-Bosnjë Hercegovinë, 64.8%
-Serbi, 59%
-Kosovë, 57.4%
Manifaktura:
Në rajon kjo strukturë ka dyfishin e peshës në krahasim me Shqipërinë
-Shqipëri, 5.6%
-Bosnjë, 13.2%
-Kosovë, 13.2%
-Maqedoni, 11.8%
-Mal i Zi, 4.9%
-serbi, 19.1%
VAZHDO TË LEXOSH MË TEPËR PËR TEMËN
7% e të papunëve përfitojnë asistencë
Banka Botërore vlerëson eurobondin
BB investon sërish në Gjirokastër
