Ministri serb i Mbrojtjes, Aleksandër Vulin u është rikthyer deklaratave polemizuese.
Zyrtari i qeverisë së Beogradit, u shpreh se “Shqipëria e Madhe” nuk ekziston gjeografikisht, por sipas tij politikisht është e pranishme.
“Shqipëria e Madhe është krijuar tashmë. Çështja mbetet sa pjesë nga vendet e tjera do të përfshihen.
Me hyrjen e Maqedonisë së Veriut në NATO, të gjithë shqiptarët, përjashtuar dy bashki të Serbisë, do të jetojnë në një zonë sigurie unike dhe në një hapësirë politike të NATO-s.
Jetët e të gjithë shqiptarëve do të drejtohen nga Tirana”, u shpreh Vulin.
Ministri theksoi se në rastin e një ndarje të mundshme të Kosovës, çështja duhet të zgjidhet me anë të një referendumi.
Vulin shtoi ndër të tjera se beson që zgjidhja më e mirë është ndarja mes serbëve dhe shqiptarëve dhe sipas tij kjo duhet të ndodhë sa më shpejt të jetë e mundur.
VAZHDO TË LEXOSH MË TEPËR PËR TEMËN
Haradinaj shkarkon ministrin
Ministri serb “shpërthen” kundër shqiptarëve
