Qëllimi ynë i përbashkët në të dy anët e Atlantikut është stabilizimi i Ballkanit Perëndimor dhe bashkimi i të 6 vendeve të rajonit me BE-në.
“Ky është interesi ynë gjeopolitik”, deklaroi Komisioneri europian i Politikave të Fqinjësisë dhe Zgjerimit, Johannes Hahn, gjatë takimit me partnerë ndërkombëtarë në Uashington, ku u diskutuan një sërë çështjesh, e ku Ballkanit iu kushtua mjaft vëmendje.
Hahn theksoi hapur se, në lojë tashmë është vet besueshmëria e bllokut.
“Duhet të jemi shumë të vendosur, por të drejtë – u shpreh ai, – dhe t’i njohim meritat atëherë kur dhe aty ku duhet. Të mos iu qëndrosh angazhimeve të tua do të thotë të humbësh aftësinë për të ndikuar”, ka qenë komenti i zyrtarit të lartë europian.
Pohimet e tij erdhën në kohën kur në Francë, kundërshtia ndaj zgjerimit të mëtejshëm të BE-së po përvijohet gjithmonë e më qartë.
Ky kundërshtim u pa së fundi edhe në raport me Serbinë e konsideruar aleate historike, për të cilën bindja e përgjithshme franceze është se nuk mund të hyjë në Bashkimin Europian në vitin 2025, siç pretendohet.
Mesazhi i Parisit është se gjendja aktuale e bllokut nuk i lejon anëtarësimet e reja dhe se, në kontekstin gjeopolitik, Ballkani për Francën nuk është prioritet.
VAZHDO TË LEXOSH MË TEPËR PËR TEMËN
‘Kosova po pengon zbatimin e CEFTA-së’
‘Kosova nuk është kushti i vetëm’
