Shumica e deputetëve kërkojnë që ministrat holandeze t’i bëjnë presion Brukselit për të rivendosur vizat për shtetasit shqiptarë, është njoftuar sot nga mediat holandeze.
Sipas raportimit, deputetët konsiderojnë se kjo është mënyra e vetme për të ndaluar bandat kriminale që hyjnë në vend dhe masa është mbështetur nga zyrtarët e policisë së Amsterdamit dhe të drejtësisë.
Bandat shqiptare kanë rol kryesor për industritë holandeze dhe pastrimin e parave. Megjithatë, ministrat argumentojnë se kthimi i vizave është një detyrë “e pashpresë’ dhe se Shqipëria i përmbush kriteret e BE për udhëtimin pa viza.
Ministri i Jashtëm Stef Blok iu tha deputetëve se ai nuk ka ndërmend të bëjë ndonjë tentativë për rivendosjen e vizave.
“Jam shumë e zhgënjyer që ministri nuk është në gjendje të pranojë se kjo po shkakton probleme në Holandë. Ne duhet të aplikojmë masën urgjente”-tha deputetja kristian demokrate Madeleine van Toorenburg gjatë debatit mbi këtë çështje.
VAZHDO TË LEXOSH MË TEPËR PËR TEMËN
‘BE nuk është në gjendje të mbajë premtimin për vizat’
‘Pas liberalizimit të vizave, nuk do të ik askush’
