Ngjarja e rëndë ku një nënë e re në Elbasan ndërroi jetë sapo solli në jetë fëmijën e saj të parë ka tronditur familjarët.
Teksa sot zhvillohet seanca për mjekët e arrestuar, familjarët me foshnjën në krah po protestojnë para Gjykatës së Elbasanit.
Familjarët protestojnë para gjykatës ku ndodhen dy mjekët Nikollaq Thano, reanimator, dhe Mehmet Ibaj, kardiolog të cilët u arrestuan për vdekjen e 25-vjeçares.
Familjarët akuzojnë mjekët për humbjen e së afërmes së tyre.
‘Duam drejtësi, të zbardhet e vërteta. Nuk duam të manipulohet e vërteta’, shprehen familjarët e Rexhina Debrovës.
Dyshohet se një prej mjekëve është vonuar rreth 3 orë për të mbërritur në vendin e punës.
Teksa familjarët e Rexhina Debrovës, e cila humbi jetën pas lindjes kanë dalë sot me foshnjën në krah për të protestuar jashtë gjykatës së Elbasanit, brenda saj trupa gjykuese ka dhënë vendimin për dy mjekët e arrestuar.
Mësohet se prokurori Xhelian Seferi pasi referoi para gjykatës hetimin e plotë të çështjes nē ngarkim tē dy mjekëve kërkoi që ndaj tyre të caktohej masa “Detyrim Paraqitje”, për Nikollaq Thano, reanimator, dhe Mehmet Ibaj kardilog, duke i lënë kështu të lirë nga masa e arrestit.
VAZHDO TË LEXOSH MË TEPËR PËR TEMËN
