Një 30-vjeçar në Klos ka vrarë veten, pasi është konfliktuar me njerëzit e gruas.
Ngjarja e rëndë ka ndodhur në fshatin Plan i Bardhë në Bashkinë Klos.
Viktima është identifikuar si Ari Hoxha, 30 vjeç.
“Shërbimet e Policisë të Stacionit Klos u nisen menjëherë drejt adresës ku kishin marrë informacion për personin e armatosur, i cili ishte person i shpallur në kërkim për veprën penale “Dhunë në familje”. Shërbimet e Stacionit të Policisë Klos kanë kërkuar përforcime dhe kanë rrethuar në distancë banesën.”, informon policia.
Në pritje të ardhjes së përforcimeve nga DVP Dibër, shërbimet e Policisë kanë dëgjuar një të shtënë armë zjarri.
“Rreth 150 metra larg banesës së vjehrrit është gjetur dyshohet i vetëvrarë me një plumb në kokë shtetasi Ari Hoxha.” thuhet ndër të tjera në njoftimin e policisë.
Grupi hetimor nën drejtimin e Prokurorit të Matit është në vendngjarje ku vijojnë veprimet për zbardhjen e plotë të ngjarje.
