Vetëm për muajin gusht janë ndëshkuar 37747 drejtues të mjeteve. Prej tyre janë 275 leje drejtimi të pezulluara për përdorim të pijeve alkoolike, ku janë 140 të ndaluar në komisariat. Po ashtu 480 patenta janë hequr për shkak të shpejtësisë.
Sa i përket rripit të sigurisë janë vendosur 1700 gjoba për mos vënie të tij dhe 6000 të tjera janë për parakalim të gabuar.
Duket se ka një ndërgjegjësim përsa i përket përdorimit të telefonit gjatë drejtimit të mjetit ku shënohen vetëm 52 masa. Në raport me vitin e shkuar behët e ditur se janë dy viktima më shumë, por me 10 të plagosur rëndë më pak.
Në autostradë në sens të kundërt
Qarkullimi me automjet në Shqipëri është një mision i vështirë. Por rasti në autostradën Kavajë – Lushnje do të mbetet një nga më të rrezikshmit dhe më i çuditshëm.
Për disa kilometër një 58 vjeçar ka ecur në sens të kundërt dhe me një shpëjtësi të konsideruar. Policia ka mundur të ndjekë mjetin si dhe ndaluar drejtuesin duke i hequr lejen e drejtimit për dy vite si dhe me një gjobë 10 mijë lekë gjobë. Pamjet flasin vetë, nuk kanë nevojë për koment, papërgjegjshmëri që vret jetën” thuhet në deklaratën e policisë.
