Të martën filloi edicioni i 72-të i Festivalit të Kanës, i cili është hapur me premierën e filmit “The Dead Don’t Die”, regjinë e të cilit e ka bërë regjisori amerikan, Jim Jarmusch.
Festivali këtë vit ka pritur yje të shumta, duke përfshirë aktorët më të talentuar e më të famshëm anembanë botës.
Nuk ka dyshim se edhe këtë herë gjithë vëmendjen e kanë rrëmbyer femrat, të cilat shfaqen të mahnitshme në fustanet që kanë zgjedhur.
Selena Gomez, Eva Longoria, Julianne Moore, Romee Strijd, Izabel Goulart dhe Alessandra Ambrosio, janë zgjedhur si femrat me fustanet më të mira të këtij edicioni.
Ndërkohë në këtë festival garojnë gjithsej 21 filma, ndërsa çmimin kryesor do ta japë juria, presidenti i të cilës është pikërisht regjisori meksikan, Alejandro G. Inarritu.
