Kremlini tha të martën se nuk e dinte se ku Presidenti i SHBA Donald Trump e kishte marrë vesh se Moska kishte hequr shumicën e ushtarakëve nga Venezuela, sepse ata vazhdonin të punonin atje.
Ndërkohë që ndodhej në një vizitë shtetërore në Londër, Trump postoi në Twitter më 3 qershor duke pohuar se Rusia kishte hequr “shumicën e njerëzve të tyre” nga Venezuela, por nuk dha detaje të mëtejshme.
Deklarata e tij shkaktoi një tronditje, sepse, nëse është e vërtetë, kjo do të shënonte një pengesë të rëndësishme për Maduron, të cilën Uashingtoni dëshiron të largojë.
Zëdhënësi i Kremlinit Dmitri Peskov u tha gazetarëve se Rusia nuk kishte qenë në kontakt me Trump në këtë temë.
Peskov tha se u duk se informacioni i Trump kishte origjinën nga raporte gazetash, të cilat zyrtarët rusë tashmë e kanë mohuar, ose nga diku tjetër.
Peskov tha se këshilltarët ushtarakë rusë ende punojnë në Venezuelë dhe “ky proces ecën sipas planit”.
Në mars, Trump i bëri thirrje Rusisë të largohej nga Venezuela pasi Moska shpërndau rreth 100 ushtarakë në vendin e Amerikës Latine, ku udhëheqësi i opozitës Juan Guaido u shpall president i përkohshëm në janar.
Guaido mbështetet nga Shtetet e Bashkuara dhe më shumë se 50 vende të tjera, ndërsa Maduro mbështetet nga aleatë të tillë si Rusia dhe Kina.
VAZHDO TË LEXOSH MË TEPËR PËR TEMËN
Është koha që SHBA të ndihmojë Venezuelën…
Luftë së shpejti në Venezuelë?
“Zien” Venezuela/ Pse u shkëputën lidhjet me SHBA-në?
