Mbrojtësi i Juventusit, Joao Cancelo është shumë pranë transferimit te Manchester City për 50 milionë euro.
Sipas “La Stampa”, “Zonja e Vjetër” ka nisur tashmë kërkimet për zëvendësuesin e portugezit.
Drejtori sportiv i “Zonjës së Vjetër”, Fabio Paratici ka përpiluar një listë me emrat e mindshëm ku 3 janë më të mundshmit për tu bashkuar me kampionët e Italisë.
I pari është Danilo, lojtari i Manchester Cityt, i cili nuk e ka bindur Pep Guardiolan dhe një largim i tij duket i sigurt.
Nga ana tjetër është shqiptari Elseid Hysaj, i cili është një emër, që përflitet në rast se trajneri i bardhezinjve do të jetë Maurizio Sarri (që me shumë gjasa do të jetë kështu).
Ndërkohë, i fundit është lojtari i Tottenhemit, Kieran Trippier, i cili nuk kërkohet vetëm nga Juventusi, por edhe Napoli e Interi.
VAZHDO TË LEXOSH MË TEPËR PËR TEMËN
Manchester City blen talentin e Juventusit!
Juventus fiton ‘derbin’ në merkato/ Akord me yllin italian!
