Kompania Microsoft ka ndaluar shitjet e laptopëve Huawei MateBook X Pro në dyqanet e saj online pasi kompania kineze u vu në listën e zezë të Qeverisë amerikane.
Vendimi vjen pas lajmeve se Google do të ndalonte përdorimin e Android dhe shërbimeve të kompania për Huawei.
Megjithatë mbetet për t’u parë nëse Microsoft do të bllokojë përditësimet e laptopëve Huawei me Windows 10 të instaluar. MateBook X Pro është hequr nga dyqani online i Microsoft gjatë fundjavës, ku me këtë veprim kompania po i bindet kërkesave të qeverisë Amerikane për të ndaluar së bëri biznes me kompaninë.
Frika se kompania mund të bllokojë plotësisht përditësimet e Windows 10 është shtuar pas këtij veprimi. Në fund të javës së kaluar, Administrata e presidentit amerikan Donald Trump e vendosi Huawei Technologies Co Ltd në listën e zezë tregtare, duke zbatuar menjëherë kufizime që do ta bëjnë jashtëzakonisht të vështirë për kompaninë të bëjë biznes me homologët amerikanë.
