Miku më i madh i kosovarëve ‘zbarkon’ sot në Kosovë.
Bëhet fjalë për ish-presidentin e SHBA-ve, Bill Clinton, i cili do të pritet nga presidenti i Kosovës Hashim Thaçi dhe kryeministri Ramush Haradinaj.
Kjo vizitë e Clintonit është e dyta në Kosovë.
Vizita e tij ka çuar në këmbë edhe njësitet e sigurisë së vendit. Që nga orët e hershme të mëngjesit, Policia e Kosovës është duke bërë kontrolle të shumta në rrugën “Tringë Smaili” në kryeqytet, saktësisht në rrugën e cila dërgon në hotelin në të cilin pritet të qëndrojë Clinton.
Përveç ndalimit të kalimit të veturave në këtë rrugë, Policia e Kosovës në terren ka ndërhyrë edhe me njësinë e qenve ‘K9’ për të siguruar perimetrin e vendit.
Në vendngjarje po shihen edhe numër i madh i forcave të Policisë së Kosovës të cilët në duar po mbajnë armë të gjata.
Thaçi takohet me Clinton në orën 15:00 ndërkaq Haradinaj gjysmë ore më vonë. Gjatë pritjes, Clinton do të dekorohet.
VAZHDO TË LEXOSH MË TEPËR PËR TEMËN
Daçiç: Shqipëria e Madhe? Bota ka ndryshuar
Bisedat sekrete telefonike ruso-amerikane gjatë luftës së Kosovës
