Maurizio Sarri është gjithnjë e më pranë Juventusit, pasi një udhëtim në Londër i Drejtorit Sportiv të bardhezinjve, Fabio Paratici, ka bërë që të zgjidhen edhe detajet e fundit me Chelsean.
Kështu sipas mediave italiane, Paratici ka rënë dakord me drejtuesit londinezë, që të paguajë një shumë më të ulët se 6 milionë euro, për prishjen e kontratës së Sarrit, e cila do të ndahet në një pagesë të menjëhershme dhe një tjetër në lidhje me objektivat që trajneri do të arrijë.
Ish tekniku i Napolit pritet të mbërrijë që sot në zyrat e klubit anglez, për të firmosur edhe divorcin zyrtar, pas vetëm një sezoni, ndërsa në fillim të javës së ardhshme pritet të bëjë edhe prezantimin zyrtar në stolin e Juventusit.
Në aventurën e tij në stolin bardhezi, Sarri do të ndihmohet nga Giovanni Martuscielo, një njeri të cilin e ka pasur ndihmës edhe te Empoli, ndërsa në dy vitet e fundit ka qenë ndihmës i Luciano Spallettit te Interi.
Por, paralelisht, Chelsea po përpiqet të gjejë pasuesin e ish-teknikut të Napolit. Sipas asaj që shkruajnë mediat angleze, emri i lakuar ose i përzgjedhur është Frank Lampard, trajneri i Derby County.
Problemi është se klubi i Championship kërkon 5 mln euro për të liruar trajnerin që të kthehet në “Stamford Bridge”.
VAZHDO TË LEXOSH MË TEPËR PËR TEMËN
Juventus? Sarri bën deklaratën e bujshme!
Sarri ‘flirton’ me Juven: Për ne italianët…
