Pas protestës së 9-të kombëtare të opozitës, Basha mblodhi në selinë blu ish-deputetët e PD-së dhe strukturat më të larta të partisë së tij për të përcaktuar vijimin e aksionit opozitar.
Në mbledhjen me dyer të mbyllura, Basha mobilizoi strukturat e PD-së, duke kujtuar se java e ardhshme është vendimtare për katër muajt e betejës opozitare që nga koha e djegies së mandateve, duke paralajmëruar se do të ketë zgjedhje të parakohshme.
Kreu i PD informoi ish-deputetët e Grupit Parlamentar se ka një ndërgjegjësim të ndërkombëtarëve mbi vjedhjen e zgjedhjeve nga Edi Rama dhe për këtë pritet që të ketë reagime në ditët në vijim.
Në mesazhin e tij, Basha ishte i prerë kur kërkoi nga strukturat angazhim maksimal për të mos lejuar zhvillim normal të takimeve prezantuese që Kryeministri Rama bën me kandidatët e PS-së në rrethe.
“Gjithçka paralajmëron fundin e afërt të Edi Ramës. Gjithçka komprometohet rëndë nëse e ndalojmë këtë që kemi nisur. Në aksion çdo orë. Aleanca për Mbrojtjen e Demokracisë do të jetë në çdo cep të vendit për të ndaluar çdo aktivitet të paligjshëm, duke ndjekur modelin e Shkodrës”, mësohet të jetë shprehur kreu i PD-së.
Basha ka kërkuar nga kryetarët e bashkive të drejtuara nga opozita që ditën e hënë të nxjerrin urdhrin për revokimin e listave të zgjedhësve në qendrat e votimit.
“Jemi më afër se kurrë largimit të Edi Ramës dhe klikës së tij mafioze”, është shprehur ai.
VAZHDO TË LEXOSH MË TEPËR PËR TEMËN
PD kthehet në Kuvend? Basha mbledh grupin parlamentar
“Farsa e re e Lulzim Bashës nuk është proçesi juaj”
PD vendos nesër për datën e protestës
