Në bashkëpunim me kompaninë Fujikin, ekspertët e Universitetit japonez të Osakas kanë krijuar një robot të artistit dhe shkencëtarit italian Leonardo da Vinçi, i cili do të arsimojë gjeneratat e ardhshme të shkencëtarëve.
Roboti i Da Vinçit u është paraqit pjesëmarrësve të samitit që mblodhi sot liderët e 20 vendeve më të zhvilluara në Osaka.
Drejtori i marketingut i kompanisë Fujikin, Kouichi Nakamura, për AA tha se roboti ishte bërë në nder të Da Vinçit, i cili me veprat e tij ka vënë botën në borxh.
Ai tha se roboti Da Vinci është bërë edhe me qëllim që në mënyrë unike filloristëve t’u prezantohet puna e tyre dhe që të merren me shkencën dhe artin.
“Kështu do të mundësojmë që filloristët dhe shkencëtarët e ardhshëm të mësojnë përmes argëtimit”, tha Nakamura.
Ai po ashtu tha se roboti Da Vinçi flet japonisht, anglisht dhe italisht.
Duke u lidhur me rrjetin e Google-s, roboti do të jetë në gjendje t’u përgjigjet pyetjeve.
Nakamura paralajmëroi se edhe Albert Einstein së shpejti do të fitojë robotin e tij në të njëjtën mënyrë.
