Katër civilë janë vrarë dhe 21 janë plagosur në sulmet raketore izraelite pranë Damaskut, tha agjencia shtetërore e lajmeve siriane Sana.
Agjencia siriane e lajmeve tha se raketat goditën zonën pranë Damaskut dhe provincën Homs. Ushtria siriane tha se ishin përballur me sulmin, i cili ishte nisur nga hapësira ajrore libaneze.
Transmetuesi shtetëror sirian al-Ikhbariya tha se katër civilë, duke përfshirë një fëmijë, ishin vrarë në Sahnaya, në jug të Damaskut, si “rezultat i agresionit “.
Një zëdhënëse e ushtrisë izraelite nuk pranoi të komentojë mbi raportin.
Observatori Sirian për të Drejtat e Njeriut, tha se sulmet ynonin një qendër kërkimore dhe një aeroport ushtarak në perëndim të qytetit të Homs.
Izraeli ka kryer qindra sulme ajrore në Siri që nga fillimi i konfliktit në vitin 2011, duke synuar forcat besnike ndaj presidentit Bashar al-Assad dhe aleatët e regjimit të Iranit dhe Hezbollahut.
Sulmet kanë shkaktuar fërkime midis Izraelit dhe Rusisë, e cila së bashku me Iranin i kanë dhënë presidentit sirian, Bashar al-Asad, mbështetje të rëndësishme ushtarake gjatë gjithë konfliktit në Siri.
Irani dhe Hezbollahu po luftojnë në krahun e presidentit Bashar al-Assad në luftën siriane dhe Izraeli thotë se po përpiqen ta kthejnë Sirinë në një front të ri kundër izraelitëve.
Lufta, që tani ka hyrë në vitin e nëntë, filloi me një goditje qeveritare ndaj protestuesve në mars 2011. Ajo ka lënë të vrarë më shumë se 370.000 njerëz dhe ka zhvendosur miliona.
VAZHDO TË LEXOSH MË TEPËR PËR TEMËN
‘Janë përdorur armë kimike në Siri?’
“Israeli, ‘macja e zezë’ për Lindjen e Mesme”
“ISIS është mundur, ka humbur edhe territorin e fundit”
