Presidenti Ilir Meta, gjatë pjesmarrjes së tij në Samitin e Sarajevës, ka takuar sot Presidentin e Maqedonisë së Veriut, Stevo Pendarovski.
Lajmin për takimin me Pendrovskin e ka bërë me dije vetë Meta përmes një postimi në Facebook.
Duke u ndalur tek situata në vend, Presidenti shkruan se sot “bëhet një muaj i shpërdoruar kot që nga dekreti për anulimin e zgjedhjeve të 30 qershorit, për arritjen e një zgjidhje gjithpërfshirëse që forcon besueshmërinë e vendit për zgjedhje të lira e të ndershme”
Postimi i plotë i Metës:
Kënaqësi e veçantë të takoja Presidentin e Maqedonisë së Veriut, z.Stevo Pendarovski. Të dy vendet tona duhet të bashkojnë përpjekjet për çeljen e negociatave për anëtarësim në tetor. Duhet të përfitojmë nga ky momentum mjaft pozitiv që ka krijuar Marrëveshja e Prespës, jo vetëm për Maqedoninë e Veriut.
Ndërkohë sot bëhet një muaj i shpërdoruar kot që nga dekreti për anullimin e zgjedhjeve të 30 qershorit, për arritjen e një zgjidhje gjithpërfshirëse që forcon besueshmërinë e vendit për zgjedhje të lira e të ndershme.
Po kështu ishte kënaqësi të konstatoja vendosmërinë e Presidentit Pendarovski për të bashkëpunuar dhe përfshirë opozitën në dialog për çështjet themelore të shtetit dhe demokracisë.
VAZHDO TË LEXOSH MË TEPËR PËR TEMËN
Dekrete të refuzuara nga Ivanov, Pendarovski nënshkruan 21 ligjet
